2012 

07-01 100% oranje

21-01 Boeremoosbal Venlo

22-01 De Kreje Brookhùuze

29-01 Prive res.Moeraskwaakers

08-02 Vorstenheuvel Venlo

11-02 Motteballebal Venlo

12-02 Resepsie Moeraskwaakers

16-02 Ald Weiber Bracht

18-02 Blariacum Baeregood

19-02 Optoch Bliërick

19-02 BBB Bliërick

19-02 JK Parade Venlo

20-02 Optoch Venlo

20-02 Weishoès Venlo

21-02 Weishoès Venlo

26-02 Centerparcs Horst

29-04 Steenvoorde Frankrièk

08-03 Jaorvergaderink 

2013 

11-02 Optoch Venlo

12-02 Weishoès Venlo

Wae zien weej

Joekskepel de Mootwörm is opgerich op 1 juli 1985 op ein fiës beej Leon Hesseling in de kelder. Boète Leon, dae eine korte tièd is weggewaes, zien Lei en Jack dao vanaaf ut alleriërste begin beej.Òs doel waar gelièk duùdelik, weej woel meziek gaon maake. Dao waas maar ein probleem; Leon kós klarinet speule en Lei gitaar, vaerders hadde de meiste neet ens ein blokfluit in de hand gehad.....

Oétintelik is alles good gekómme, inmiddels bestaon weej 25 jaor en maake ein schoeën stök meziek. Weej speule van Friesland wies Mestreech, vuuël in Pruùsses, België, Luxemburg wies in Frankrièk toe. As weej weer ens mit de bus nao ein optraeje meuge, zit de stúmming dao drek good in. Ònderwaeges wuuërd altièd good veur de catering gezörg. Druuëg staon weej noeïts......

Weej hebbe vuuël hoëgtepunte mitgemak in òs bestaon, det zien dao tevuuël um op te neume,maar inkele laote we heej toch maar ens de revue passeere. Boete det weej mit luuj as Beppie Kraft, Big Bennie e.d. waal ens op de bühne staon zitte de echte topoptraejes gans anders in mekaar.

De Venlose Vastelaovend; weej speule netuurlik op vuuël plaatse. Weej doon groëte optraejes in de Maaspaort, Boermoosbal en Jocus Pocus, de Joekskepelle-parade, maar ouk b.v. in Bliërick, Blariacum Baeregood, maar vergaete de kleinere optraejes netuurlik ouk neet. Zoë speule weej idder jaor in Auxie op d'n Vorstenheuvel, maar ouk veur 30 luuj van de rolstooldansvereiniging. Netuurlik zitte weej ouk altiëd in de Venlose optòch, in ut jaor det weej de Boerbroelof hadde zelfs twië kiër; eine kier as de Mootwörm, de andere kier as VG BBG De Talpa's, wao weej òs alternatief Tegels-Bliëricks bròedspaar hebbe laote zeen.

De Venlose Boerebroelof, deeze hebbe weej in 2007 meuge organisere as kròen op òs 22 jäörig bestaon. Jan Linssen en Christel Hesseling waare ut bròedspaar en de res van de bùbs had de euverige rolle. Gans Venlo waas òs good gezind, aevenals de weergode, op vastelaovesdinsdaag scheen de zon enwaas ut 20 graden.

De Bemmelse dweildaag, dit jaorliks truukkiërend evenement in Bemmel (Gelderland) steit vas op òzze agenda. Smeis geit dao ein groeët deil van òs ein lank weekend op de camping staon om dao zondaags inkele eurkes te kinne speule. Offisjeel is ut dao ut Aope Nederlands Kampioenschap Dweilorkeste, dao zien dan zo'n 120 keppelle. In 2002 zien weej dao tot origineelste orkes van Nederland oétgeroope.

De Brand Boetegewoëne Boetezitting, dae weej live veur L1 hebbe meuge äöpene. Det waas ein schoeën ervaring, veural umdet weej de iërste Joekskpel waar die die groëte iër hadde. Beej multimedia kint geej waat opnaames vinde. Bekièk die maar ens.

25 jäörig bestaon, weej zien toen ein weekend mit ale leeje nao Volendam gegaon,. bòete det dao vuuël te vuuël Heineken te kriège waar, is det good bevalle.

Vaerders is ut tevuuël um op te neume, groeëte zittinge in Pruùsses, wao weej regelmaotig trùuk kòmme, personiëlsfiëste, etc. etc. Zoë zien weej 3 jaor op riej derde gewaore op ut Limburgs Kampioensjap Zaate Hermeniekes, en det zònder al tevuuël bombarie. De letste kiër hebbe weej in de bus beslaote waat weej dao zoele doon........